Rahasia Uang Ghaib

Gile coy. udah lama juga gue kaga nangkring dimari. buanyak buanget ternyata orang nyang mampir dimari. rate-rate semuanye pade marah komentarnye. kaga suka apa kaga percaye ama ane punya tulisan. ya kaga ape-ape, gue mo bohonh kek, mau jujur kek, itu mah suka-suka gue…klo lu ga percaye, ya udeh. kaga usah sewot dong. namanye juga cerite..

Ah, gue kaga lama nih, cuman mau ngasi tau aje, ama lu-lu pade..

Kemaren gue nemuin website tentang dana ghaib. lalu didalemnya gue liat ada website rada “aneh” nih. isinya katanye mengenai RAHASIA UANG GHAIB. hahaha… ntu sih maenan anak kecil. dah basi. gue sih bukan maenan uang ghaib lagi. gue sih udeh tau , mindahin sekampung dalam waktu sejam dengan cara gaib. tu kan , ga percaye lagi hehehe… lu kebanyakan maen TTS sih, jadi nyang lu asah OTAK mulu.. kali-kali dong lu asah bathin lu

klo lu marah dan gak suka, itu karena lu kaga ngarti dan kaga gableg, lantas jangan juga lu sok sok nyalahin orang orang yang emang bisa permaenan ghaib. eitt… awas, ghaib bukan permaenan yee… tapi buat gue sih maenan, semuanya yang ada di bumi ini permaenan dan senda gurow koq. besok-besok juga digulung ama Alloh…

udeh ah, banyak bacot. ntar banyak nyang melotot. gih deh ah, klo lu mau tau tentang uang ghaib, lu pade samperin deh tu websitenye rahasia uang ghaib. kali aja bagus. klo bagus, kasi tau gue ya. bagi-bagi …jangan pelit lo pade…

ayo, pade maksiat lagi gih sono… ampe butek ati lo hahahaha

Leave a comment

Filed under Uncategorized

Aji Kulhu Derga-Aji Kulhu Sungsang-Aji Kulhu Geni

Assalamualaikum!

ngomong2, judul diatas udah kagak asing lagi di kuping loe2 pade!

loe bisa cari apa isi aji-ajian diatas di internet, bejibun dah pasti nongol.

loe kpi ..lo amalin ..ciehhh ..ajibbbb ..

tapi gua pengen ngajak loe nemuin Jin beneran…gue jamin, Jin yg loe bacain ajian begituan pade nyengir hahhahaha

maap beribu maap tong, gue ngehormatin para wali yang udah bikin tuh ajian alias stempel maut buat para lelembut tanah jawa. tapi ntu kan para wali ..bukan ente hehe

udeh dah, mending kite ngaca dulu ..

siapa elo?

kaga ade ape-apenye ..

tiap hari maksiat, nyabo, mabok, nyimeng …ape lagi noh anak anak mude jaman sekarang… udeh kaga kenal solat lagi ..eh rukun iman ama islam aje pade kaga apal ..

loe mau belajar begituan boleh, sialakan, wajib gue bilang ..

tapi loe bersih bersih dulu dong tu badan , dikit mah ..

malu ama sepuh sepuh kite, hargain dong mereka, ya emang hidayah ga pandang bulu, bisa turun ke sape aje, ga terkecuali buat org palling jahat sekalipun ..tapi ya kira kira dong…

setan aja lebih baek daripade kite ..iye , sekarang begitu koq nyatanye ..

ya kite usahain lah, lebih baean dikit daripade setan …

gimane mo ngangusin jin, gimane mau ngusir jin ..na kelakuan kite kayak iblis!

ngaco loe pade ..

udeh, belajar tobat, belejar bener dulu aje ..beres..lagian emang loe mo jadi dukun? dukun juga banyak nyang tobat hehehe

jangan bilang proses hidup ye!

bilang aja emang loe kaga gableg! ..bilang aje loe hobi maksiat!

lha klo namanye mau tobat ya tobat aje ..ga usah bilang proses proses segale, basi! keburu mampus loe!

eh, hidayah udeh di obral ama yang maha kuase, dah mo kiamat nih, pemutihan dimane mane …na loe masih juga ngubek2 yg ga jelas ..

ahh sundel dah, kaga ngarti juga loe ye ..oke deh bagus hehehehe

gini aje, buat sape aje yg nguasain ilmu ntu ..silakan mampir ke gue, bukan mau tes-testan ..cuman mau tau, ape iye tu ilmu nyerep dan mendarah daging lahir bathin di loe?

hehehe ..klo dah nyerep, ya gue belajar ma ente hahahaha

otak loe pait semue ..ga serius ni, gue cuman pengen kite ngehargain para sepuh kite, kite teawasulan bari ngikutin jalan yg mereka tempuh, perjuangannye pengorbanannye ..

ntu doang ..alfatehah

1 Comment

Filed under cerita misteri

Kisah Misteri – Menarik Uang Ghaib

Assalamu`alaikum wr wb

dengan izin Allah juga lah hmba bisa nulis ni cerite nyate ..bukan yg laen hehehe

ampe dimane ye

o iye, berikut kisah selanjutnye …

dah gitu, die minte tulung ame kite ..oke dah, gue pake ilmu gelap ngampar aje dah ..

buat yang belon tau ape tu Ilmu Gelap Ngampar ..wah loe brati bego semuanye..hgeheege

ni ilmu asli turun temurun di turunkan oleh para Nabi dan Rasul, kemudian para sohabat, dilanjutkan oleh para Wali2 Qutb dimuka bumi ini mulai dari masyriq wal maghrib ..

loe klo udah bisa nyerap ni ilmu, inget ye ILMU GELAP NGAMPAR ..udeh dah, lo bisa jadi sekelas mereka yg gue sebutin noh di atas ..e serius!

tapi jarang yg bisa lulus ni ilmu, karena kebanyakan manusia tidak ikhlas dan terlalu kotor jasmani ruhaninye ..

belon ape-ape, udeh pade bilang, mana nieh, koq kage ade khasiatnye ni ilmu? …ah gue dah cape2 doa dzkir baca mantra ..tapi kaga cespleng ..ilmu ape nih, gelap ngampar?!

loe tanya deh di pesisir banten ampe nun jauh di jawa timur sono ..ni ilmu kaga sembarangan ..

lho koq jadi promosi ilmu ..hehehehe

udeh ah, dah gitu kite pake dah tuh ilmu gelap ngampar ..setttt jederrrr

malem jumat, kire2 jam 2, keluar juge ni petunjuk ..

katanye, gue disuru baca ayat X sekian kali ..pada malem jumat

udeh, kite garep minggu besoknye ..

na pas gitu, udeh ni kita amalin, malemnye antara sadar dan tidur, kita dikasi tau, bla bla bla ….ngek crut heuheuhe

waduh, hm …yg jelas bukan kabar gembira buat si sohib ane nih

ya dah ..gue simpen dulu ni informasi, gue tahan, …

sampai suatu saat ..ketika …

ahhhhhhhhhhhhhh

pegelll lageeeee …klo semept ntar gue sambung

udeh ah, cape bos …lo sih enak, tinggal baca doangan ..na gue, ribet ..ya ngetik, ya ngupi, ya ngroko ..

wassalam

NB ;

Ilmu gelap ngampar ni artinye – kalo pikiran ma ati lo gelap, ya lo ngampar sejadah sono, klo kage ade ya ngampar koran ke ape kek ..na terus loe minta ame yang Maha Kuase …dah ntu doang heuheuehue

emang ape? heuheuhee ..kebanyakan dateng ke dukun sih loe sih loe pade! pade ngaji dong loe! …heuheueh

pisss youW!

Leave a comment

Filed under cerita misteri

CARA NARIK uang ghaib – extended version

hauahuaha

assalamu`ailaikum!

wa’`alaikum salam …

nyambung lagi ..

iye, trus die tanya ..gimane nih, ..gue balik nanye, lha syaratnye dah loe adain belon? dia bilang udeh ..cuman atu lagi nyang belon …na ni die yang suseh, yakni harus nyediain salah satu minyak piranti ghaib khusus permintaan si shohibul JIN muslim dai negara X tersebut.

beuh ..

tanya punya tanya, nyari punya nyari …ternyate, ni minyak cuman ade di tiga lokasi di Indonesia, yang punya habib X di sumatra, ..kyai Z di surabaya ..dan di blitar tapi yang di blitar ni denger denger dah di ambil ame orangnye megawati ..hehehe ..klo gak percaya, tanya aje ame megawati sendiri hehehe

im sorry ye bu mega ..im just telling the truth ..ask your servant hehehe

na dah gitu, ternyate ade yang punye nih, di sekitar jawa barat. kebetulan, na diambil aje tuh minyak dengan sedikit mahar kira2 ..skian puluh jutaan dah (busetttt!!! mending DP mobil aje ketauan kan hehueheu)

ya dah, ternyate, naaa ini die nih ….temen gue punya sponsor alias penyandang dana. buat nyiapin tu syarat selama ini.Ā  ya abisan modal dari mane kudu ngambil pucuk kembang X di kaki gunung gede ..belon lagi minyak nye …

eh ..sodare2 yang budiman …sebagai informasi, tu dduit dah maujud ..ngejogrog satu koper penuh, betumpuk, ya diitung2 ade kali 4 milyar mah..ade fotonya koq, tapi maaf, gue kaga punya haq buat nampilin di sini atau dimane aje …ade kode etik yang harus kita pegang teguh kukuh berlapis bajaj hueheuhe

tapi, diambil lagi ame si JIN berwujud manusia, untuk ditukar dengan syarat …

yg mau tau, silakan aje dateng kmari …gue tunjukin, klo gak percaya juga, gue tonjokin lo pade heheheh

nah, singkat dan padat cerita, ..udeh siap deh tuh untuk di barter ..tapi ade yang kurang pas nih, …ni temen guw perlu orang yang punya trah khusus buat narik dan ngonci ..istilahnye tukang konci …na tukan, loe bingung dah …sama gue juga heuheuhe

tukang betot ..ame tukang ngonci beda men ..

nah disini mulai serunye cerite …tapi sabar dulu dong ..gue kan pegel, kirim2 rokok ma kupi kek kemari heuheue ..pelit loe pade, maunye aje cerite..halah

ditunggu ye rokok dan kopinye

wassalam!!

1 Comment

Filed under cerita misteri

Cara Narik Uang Ghaib – UNCUT VERSION

Assalamu`alaikum!!!

Anjrittt…Sundel!!! …

ni ari, masih aje ade nyang penasaran, pengen tau caranye cepet tajir mencret secara instant ..mieee kaleeee haha

tapi kage nape, mang sih, kite kudu tau banyak hal ..daripade mati penasaran, tul gak? heuheue

tempo ari, gue kan pegel, lha emang pegel …dibayar kaga hehe, gue kan matre!

ni cerita kisah nyate! nyate kambing, nyate ayam, asal jangan nyate babi aje..haram! yg kaga percaya haram, selamet cacingan aje dah hehehe

begini ceritanye …

gue punya temen, ceritanye sakti dah …(tapi masih saktian gue dah)..na terus, satu saat, dia kontek gue ..minta pendapat tentang fenomena alam ghaib yang die alamin ..gak laen dan gak bukan, dia dapet impian dan bahkan ketemuan langsung ame wujud JIN dari kerajaan JIN Timur Tengah, gue gak mau nulis darimane asalnye, bertentangan dengan hukum yang berlaku di dunia JIN heuheuhe ..lagian ntar di trace IP nye ama hacker, repot dah gue gegege ..

dia bilang, dia bakalan dapet duit yang mana hanya dia yang berhak dan sesungguhnya uang tersebut hendaknya dipergunakan sebagaimana mestinya untuk kepentingan dunia dengan tujuan akhirat ..

beuhh … cape dwehh ..formil banget getoo loh

ya itu intinya..

na temen gue ni bukan orang sembarangan ye ..ilmu kanuragannye cukup mumpuni, na gue aje hormat dan segen ma die berkat ilmunye …

tapi dia minta pendapat, gemanaa dong ..heheuehe

ya dah, gue hayu in aje, mo ape gue tanya..

die cerite, jadi untuk mewujudkan dana tersebut, haruslah ade syarat2nye …na ni die..diantaranye ..Minyak X, Pucuk Kembang X,

bersambung ah,. ade tamu tak diondangšŸ˜¦

Leave a comment

Filed under cerita misteri

Ilmu Menarik Uang Ghaib

Assalamu`alaikum wrwb

loe mau dapet dana ghaib? uang ghaib? ..tau-tau loe dapet koper yang isinya duit yang kalo loe itung gak kurang dari 5 Milyar? ..mau kaga?!

yang pendek akalnye pasti langsung nyamber, IYA sape yg kaga mau?!
yang akalnye rada melar dikit, pasti mikir2 .., MUA-GAK-MAU-GAK-MAU ..hehe
yang punye rasa yang tajem, pasti langsung jawab OGAH AH! ..

bener kaga sih, fenomena uang ghaib atawa dana ghaib nih? ..gue jawab BENER adanye! ..peduli amat loe percaya ape kagak!

lho mas, tapi itu uang halal ape haram/ kalo uang kan pasti ade nomor serinye, na klo tu uang ade nomor serinye kan pasti dibuat di bank ..lha brarti tu uang dapet nyolong dong? ..ade lagi yang ngomong, pasti itu tipuan aje, kerjaannye tuti alias tukang tipeng…ah, gak mungkin tuh mah kerjaannye jin iprit buat nyesatin manusie …ada lagi yang tereak musyrik MUSYRIK! ..ada yang doyan becande bilang gini ..hehehe ..loe miara tuyul??!

buat loe yang percaye, reaksinye pasti gini ….emang bisa, pegimane caranye ye, syaratnye apean? ..gue kudu gimane biar bisa begitu, ritualnye ape aje ye? ..

kenpa gue bilang bener adanye ..lha emang, ade koq ..mo ape?!

na naaa ..loe langsung bekate dalem ati ..ceritain dong ..ceritain dong heuheue …gue bearni tarohan disini, ..yang bener2 pernah ngalamin dan ngeliat langsung tu duit ghoib di internet ini paling cuma 1 diantara 10.000 orang ..mungkin juga gak ada sama sekali!

tapi ape yang gue ceritain nih, bener ada dan nyate ..

ceritanye begini ……………… halah , pegel ah

12 Comments

Filed under cerita misteri

Konsultasi Spiritual Paranormal Metafisika

Assalamu`alaikum warohmatullohi wabarokaatuh!

Nah loh, judulnya panjang kek` kereta api? singkat kate mah, maksudnye gak laen dan gak bukan, cuman pengen narik ente-ente yang lagi kelimpungan mengarungi rona kehidupan nan penuh onak ini mampir kemari hehehe

nah, klo dah mampir ngapain? ape gue mo bagi-bagi jimat? mo ngijazahin mantra atau hizb? ngisi badan loe ame karomah? ..wah maap maap kate, itu bukan kapasitas gue yang masih sama kaya ente, sama-sama dongo hehehe …boong ding, ente mah pinter ..

BACA BAE-BAE NIH …

1. Sadar lah saodare2,..bukan yg namanye idup klo gak ade masalah, bukan namanya manusie klo gak punye salah, dan bukan yang namanya Alloh SWT klo gak pengasih dan penyayang …ngarti kaga maksud gue? ..jadi terime aje keadaan loe sekarang ..belajar ikhlas dan sabar, jangan ngegerutu aje ama orang dan Alloh, ape kaga pegel tuh yang dengerinnye …ape kaga besyukur ame Alloh, ..kite ni masih enak ..coba loe liat org laen, masih ada yang lebih blangsak dari kite ..tapi masih tetep beriman dan tegar ngadepin setiap masalah demi masalahnye …

2. Jangan malu minta nasehat, doa dan diskusi ame orang yang emang tau ilmunye dan kaya pengalamannye ..cari orang yang bermakrifat ame Alloh SWT! ..jangan lari ke dukun loe pade! hehehe ..minta jimat ini lah anu lah ..minta minyak kantil lah ..minta rajah, hizb ..lah …lah ..emang klo loe dikasi jimat, masalah loe selesai? yang ade duit loe kekuras buat maharin tuh jimat?! ..coba loe pikir, klo emang ampuh, klo emang mo nolong, klo emang LOE BENER BENER BUTUH PERTOLONGAN, knape juge dia minta duit dari loe?!!

yang lebih parah lagi, ape Alloh masang tarif dalam rupieh ape dolar buat nolongin hamba-Nye, ciptaan-Nye? pernah loe liat di qur’an ape di hadistnye gitu? …klo loe nemuin dalilnye, gue pensiun dah dari agama gue …catet ye! yang gue bilang TARIF ..shodaqoh mah laen lagi urusannye, dan itu antara hamba dengan Alloh langsung urusannye, kagak pake orang ketige ..ngasih mah ngasih aje,seikhlas dan semampunye …

wahai sekalian manusie, ilmu Alloh bukan permainan, kite ni kaga dibenerin buatĀ  nyiksa orang yang udah susah ..apapun alesannye, yang kejebros ya harus kite angkat, yang kaga gablek duit ya kite kasi modal buat bisa nyari nafkah, yang lemah kite kuatin, yang salah ya kite benerin …yang udeh pade bener, ya kite doain bareng-bareng …ntu rumusnye ..

klo ada dukun yang masang tarif gede, katanye buat pencerahan bathin, buat modal dan ongkos nyari ramuannye lah, obatnye lah, buat nebus jimatnye lah, buat gantiin cape ame ongkos nuntut elmunye lah ..udeh ..jangan didenger, KLO EMANG SAKTI, NGAPAIN KUDU MAKE INI ITU SEGALE… NA DIE KAN TINGGAL MINTE AMA YANG MAHA KUASE.. pan doanya cespleng katanye….gimane sih tong?! susah amet …

na klo dokter sih laen cerite ..loe kudu bayar, itupun klo loe mampu…klo kaga ya loe pake askes ape asuransi hehehe ..mureh2 juge kan? lho koq bisa bayar? kudunya pan seikhlasnya juga dong ..jawabannya satu : na loe tanya dah noh ke pemerentah kite ..jangan tanya ma gue! hehehe ..lagian klo loe semue pade pinter nyembuhin, na dokter dapet duit dari mane dong? ..makanye jaman Rosulluloh SAW dulu, dokter kage ade, gak laku ..semuanye sehat jasmani ruhani heheheheh

…kemane akal pikiran loe? percuma loe jadi sarjana, percume loe sekola tinggi tinggi klo gitu …eh tapi ada yang bilang ke gue, pake jimat masalah gue bisa selesai…jawabannya cuma satu : ALLOH NGABULIN DOA LOE,Ā  tapi KEBETULAN yang NUMPANG BEKEN ya si dukun! …buat si dukun, biarin aje kaga usah kite pikirin urusannye die ame Alloh ntu ah..tapi intinya disini adalah ..ALLOH SWT LAH YANG NOLONG LOE ..gak percaye? loe dateng kemari, gue kasih tau, loe buktiin ndiri ..klo loe minta ame Alloh SWT, pasti di qobul!!! pake duit?! KAGA ..GRATIS!!!! tapi klo loe mo ngasih ke gue ya gue terima hehehe

3. sabar ..bersambung cuy ..jangan melotot dulu loe pade hehehe …

2 Comments

Filed under konsultasi paranormal